'Situr þú hér, á nýjum skóm?!'

Nú liggur fársjúkur snillingur heima hjá sér með gubbupest og les samsæriskenningar um ríkisstjórnir, matvæli, frímúrara og aspartam. Þess má geta að fyrir 15 árum og nokkrum mánuðum eignaðist þessi snillingur son, sá sonur situr við tölvu og eyðir tíma sínum í að blogga blogg sem einn kennari og nokkrir áhugalausir nemandur munu lesa. En hvað betra hefur maður við sinn tíma að gera? Lesa blöð sem ríkistjórnir um allan heim sérsmíðar til að stjórna okkar hegðun og ákvörðunum en það eru ekki bara blöð sem að gera þessa skítavinnu heldur allt í kringum okkur, myndir, tölvur, sjónvarp og sérstaklega skólar. Hvað er betra en að taka ung, saklaus börn frá foreldrum sínum 5 daga vikunnar og heilaþvo þau og fylla þau af vitleysu sem fullkomnar stjórnun ríkisstjórnarinnar á okkur. Allt það sem þið kallið sjálfstæða hugsun er bara fyrirfram ákveðið plan þeirra. Hver segir að Indland sé til? Fyrir þeim er það bara *ónefnd eyja* 1, tilbúið svið fyrir ykkur að djöflast á, sérsmíðuð leiktæki frímúraranna. En ef að kenningar David Icke er sannar þá er allt sjónhverfing sem eilíf ást þannig með réttri hugsun og nægum sjálfsaga má ganga í gegnum veggi og labba á vatni, það eina sem þarf er trú. Þetta er slíkt hið sama og Jesú, sonur Guðs, gerði og fyrir það var hann myrtur. Myrtur fyrir að finna leyndardóma lífsins, sleppa undan reglum ríka mannsins, þess sem er "æðri" okkur þannig ef að nútíma Jesú fyndist er ansi öruggt að hann yrði myrtur af einhverjum sendimanni ríkissins eða settur í fangelsi fyrir skattsvik. Mín skoðun er sú að Jesú var til, en sonur Guðs? Ekki alveg. En nú að allt öðru máli, Ekkert sem við gerum er persónulegt lengur. Meira að segja Google fylgist með öllu sem þú gerir og vistar það í gagnagrunni sínum, og þú sem hélst að enginn vissi kynhneigð þína og dýpstu fantasíur. Brátt munu þeir fá leyfi til að setja upp öryggis myndavélar(nú er ég að tala um ríkisstjórnir ekki Google.com) á öllum götum í öllum löndum, síðan fyrir utan heimilið þitt og loks verður íbúðin þín enn ein myndin á einu af sjónvörpunum þeirra, algjör stjórnun. 1984. Það eru eflaust flestir þeirra sem lesa þetta sem munu gera grín að þessu og það getur vel verið að þetta sé vitleysa í mér en allir verða að hafa eitthvað að gera, ekki satt? Mér finnst algjör tímasóun að hanga í WoW eða CS en þeir sem spila þá leiki eru annars huga og þeir mega alveg eiga sína skoðun á því máli sem öðrum. Kannski er þetta bara leið fyrir ríkið til að fá mig til að fylgjast með eitthverju, einbeita mér að því á meðan að þeir eru að gera eitthvað allt annað. Eins og eyðimörkin í Nevada, einn sérstakur staður sem er aðeins frægari en aðrir, best þekktur sem 'Area 51' það getur vel verið að það sé ekkert í gangi þar heldur að það sé bara tálbeita, á meðan að þeirra alvöru kannanir á geimverum og háþróuðum búnaði fer fram annars staðar. En nú er tíminn minn kominn að þrotum kannski kemur meira seinna. Blitz

Edward